موت يا قلب
لما يبان لك صاحب
الحب قال كلمته
لا قاضي ولاحاجب
ومادام ماعرفتش تكون انسان
لفظوك قلوب النسا
من هوان لهوان
اطلع من اصلك وتوبك
وانسي الصورة والعنوان
محنية عينك والبصة ليه
مابانش ليها بيان ؟
عدي وفوت
دوس ع البيوت
وقف زمانك
وإمحي مجئ المكان
ارفع صوتك لجل ما تسكت النسوان
من بعيد أشوف البسمة ملو الورق
بسمة مليانة بجهد العرق
أنا اللي عشت أسقي الحب للعاشقين
لحد ماعمري مني اتسرق
والقلب مني اتحرق
سلمت قلوعي للغربة
اكلي وزادي الغنوة ع التربة
كلوا واشربوا أكلي وزادي
أنا لاهأهجر يوم غربتي
ولاهأرجع في يوم لبلادي
بإيه تفيد يا حب شاب مطفي العيون
كاره زمانه وهارب من سجون الكون
شاب في كل الأرض العريضة
بأحلم بنجمة بيضة
منورة في ايديا
تزيل ظلام الكون حواليا
نجمة تصبح في الشوارع ناس
تحميني من الحراس
تسلملي ع اللي كسر رمشي
تاخدهولي بالحضن وبعدين تمشي
أه.. لو ضاع من زماني
ونسيتني أحضاني
أه.. لو أفقد مكاني
كل ما أخرج من مكان
ما أرجعش ليه تاني
السلام عليكم
ردحذفانا سعيده اوى انك نورت مدونتى بزيارتك وسعيده اكتر انى زورت مدونتك
تقبل مرورى
جميله كلماتك رغم الالم اللى لسمته بين سطورك
تحياتى لقلمك
ايه الجمال و الكلام الرشيق ده بجد جميل اوي كلامك بس مليان الم و حزن
ردحذفاتمنى يا رب يكون خيال
انا فرحت اوي بالمدونة و شكلها و الله و جميلة جدا جدا و شكلك كده اول مرة لسة تكتب عموما ربنا يوفقك يا رب و اكيد احب اتابعك باستمرار و هضيف مدونتك عندي في القايمة المهمة
تقبل خالص تحياتي و تقديري
ايه الحزن ده بس بجد تسلم فى اول خطوة ليك ومدونتك حاوة اوى ويارب تستمر وبالنجاح ان شاء الله
ردحذفأه.. لو ضاع من زماني
ونسيتني أحضاني
أه.. لو أفقد مكاني
تحياتى
كلمات جميلة
ردحذفتسلم عليها
مع خالص تحياتى